Vinnuverndarfulltrui.is
aðbúnaður, hollustuhættir og öryggi á vinnustað
virkt vinnuverndarstarf gengur m.a. út á að gera vinnustaðinn öruggan!
reynsla sem þú getur treyst!
Í 1. mgr. 65. gr. laga um aðbúnað, hollustuhætti og öryggi á vinnustöðum nr. 46/1980 (vvl.) með áorðnum breytingum er kveðið á um að atvinnurekandi beri ábyrgð á gerð skriflegrar áætlunar um öryggi og heilbrigði á vinnustað. Áætlunin skal m.a. fela í sér mat á áhættu, sbr. 65. gr. a. vvl. og áætlun um heilsuvernd, sbr. 66. gr. vvl. Samráð skal haft við fulltrúa starfsfólks við gerð áætlunarinnar.
lögaðilum ber að vera með áætlun um öryggi og heilbrigði á vinnustað!
við erum viðurkenndur þjónustuaðili við gerð slíkra áætlana!
fáðu okkur til þess að sjá um þetta fyrir þig og gerðu svo við okkur þjónustusamning!
Hvað er áætlun um öryggi og heilbrigði á vinnustað?
Áætlun um öryggi og heilbrigði á vinnustað inniheldur nokkra mikilvæga kafla. Fjallað er almennt um þær kröfur sem gerðar eru til atvinnurekenda, hlutverk þeirra og ábyrgð og markmið vinnuverndarstarfsins. Í áætluninni skal koma fram hverjir eru öryggisverðir, öryggistrúnaðarmenn eða öryggisnefnd fyrirtækisins en miðað er við fjölda starfsmanna. Þá er fjallað um helstu verkefni framangreindra aðila.
Í áætluninni er einnig fjallað um stjórn áhættuþátta og skyldur starfsfólks. Þá er sett fram neyðaráætlun sem inniheldur m.a. eldvarnarstefnu.
Einn mikilvægasti þáttur áætlunarinnar er svo áhættumatið og niðurstöður þess ásamt áætlun um heilsuvernd og forvarnir og tímasettri áætlun um forvarnir/úrbætur.
Þá inniheldur áætlunin einnig stefnu fyrirtækisins varðandi einelti, kynferðislega áreitni, kynbundna áreitni og ofbeldi á vinnustaðnum og viðbragðsáætlun vegna þess.
Hafðu samband við okkur. Við setjumst niður og förum yfir stöðuna. Í framhaldinu verður svo útbúin áætlun um öryggi og heilbrigði á vinnustað þannig að þitt fyrirtæki uppfylli kröfur vinnuverndarlaganna.
Mögulegt er að gera þjónustusamning við okkur sem m.a. felur í sér að við erum til taks þegar spurningar vakna varðandi vinnuvernd. Hafðu samband fyrir frekari upplýsingar.